Gipatawag sa LTFRB ang unom ka bus operators tungod matod pa sa wala paghatag sa sakto nga diskwento sa pasahe sa ilang mga pasahero.
Sa ilawom sa Service Contracting Program, ang tanang pasahero dapat makadawat ug 20% nga diskwento, samtang ang senior citizens, PWDs, ug mga estudyante dapat makadawat ug 40% nga diskwento. Apan sumala sa mga reklamo, ang ubang konduktor sa bus wala nagtuman ani nga mga diskwento.
Tungod niini, gipatawag sila sa LTFRB pinaagi sa “show cause order” aron mangayo sa ilang side og pag-explain kung ngano nga wala nila gisunod ang kontrata ug giingong kinahanglan usab nilang dalhon ang mga driver ug konduktor nga involved ug magsumite ug written explanation.
Kung dili sila motunga sa hearing o mapamatud-an nga sayop sila, posible silang pabayron o matangtangan ug apil sa programa.
Photo Courtesy: LTFRB
