Gipahibalo sa mga otoridad nga mag-atubang ug lima ka ihap sa first-degree assault ang usa ka estudyante sa Tacoma high school human gipangdunggab niini ang 6 ka mga indibidwal niadtong Huwebes, Abril 30, 2026.
Ang mga biktima gilangkuban sa upat ka mga estudyante ug usa ka hamtong nga security guard, diin sila anaa sa kritikal nga kahimtang. Dugang pa niini, gibutyag usab ni Chelsea Shepherd, tigpamaba sa Tacoma Fire Department nga adunay usa ka menor de edad ang nasamdan sa maong insidente.
Matod pa ni Shepherd nga ang tanan anaa na sa maayong kahimtang ug ang ikaunom nga tawo nga nasamdan nga gituohang suspek anaa sa kustodiya sa kapulisan ug gidala sa balay tambalanan alang sa medikal nga pag-atiman.
Sumala ni Shelbie Boyd, ang tigpamaba sa Tacoma Police Department, nga ang mga biktima nakaangkon ug mga samad sa lawas, diin base sa ilang gihimong imbestigasyon nagsugod ang kremin sa panaglalis.
Tungod sa maong insidente, gikansela ang klase lakip na ang uban pang mga kalihokan sa tunghaan. Apan, lauman nga magbalik ang pag-abli niini karung umaabot nga Lunes, Mayo 04, 2026.
Photo Courtesy: Inquirer
