Nabungkag ang daang rekord sa pinakataas nga tiramisu sa kalibotan human usa ka grupo sa 100 ka Italian chefs nakahimo og dessert nga nagsukod og 1,445 feet ang gitas-on sa London.
Ang maong record-breaking tiramisu gi-assemble sa Chelsea Town Hall ug gisaksihan sa usa ka adjudicator gikan sa Guinness World Records aron opisyal nga makumpirmar ang kalampusan sa proyekto.
Gipangulohan kini ni Mirko Ricci, nga kaniadto nakahupot usab sa maong rekord niadtong 2017. Nabawi niya ang titulo human kini nailog niadtong 2019 sa usa ka 897 feet nga tiramisu nga gihimo sa Milan, Italy.
Ang bag-ong rekord nagpakita sa kolaborasyon sa daghang chefs ug sa padayon nga pagduso sa limitasyon sa culinary world, uban sa maong higanteng dessert nga giila na karon isip pinakataas nga tiramisu nga nahimo sa kasaysayan
Photo Courtesy: Guinness World Records
