Nagviral karon sa social media sa Osaka Japan, ang usa ka bar tungod sa kontrobersyal nilang paagi sa pagserbisyo og ilimnon.
Ang bar nga Noko Noko nakakuha og dakong atensyon human mipagawas og mga video sa ilang TikTok account. Sa mga clip, makita ang ilang babayeng server nga magbutang og gatas sa ilang baba ug dayon iluwa kini diretso sa kape sa kostumer.
Sa sulod lang sa pipila ka oras, miabot sa napulo ka libo ang likes sa mga video ug nagdagsa ang nagkalain-laing reaksyon gikan sa netizens.
Nahimutang ang bar sa Shinsaibashi district ug abli matag gabii gikan alas-8 sa gabii hangtod alas-5 sa buntag. Bisan pa sa kontrobersiya, padayon gihapon ang pagdagsa sa mga kostumer.
Sa pagkakaron, wala pa’y opisyal nga aksyon gikan sa mga awtoridad sa kahimsog, ug wala sab report nga adunay nadakpan kalabot sa insidente.
Photo Courtesy: Osaka Japan
