Ginatugotan sa nasud sa Japan, ang mga empleyado nga mo-tagpilaw, bisan anaa sila sa trabaho isip timaan sa ilang kakugi ug dedikasyon. Kini nga pagtugot gitawag og “inemuri”, nga nagpasabot og “present but resting,” diin ang usa ka empleyado pwede makatulog kadiyot samtang anaa gihapon sa trabahoan.
Apan, importante nga sabton nga dili kini opisyal nga polisiya sa tanang kompanya. Ang “inemuri” mas usa ka kultural nga obserbasyon kaysa formal nga rule. Sa pipila ka lugar, ang mubo nga pag-idlip o pagkatulog ginatan-aw nga resulta sa kakapoy tungod sa trabaho, apan kinahanglan gihapon nga ang empleyado nagpakita og responsibilidad ug dili pasagdan ang iyang mga buluhaton.
Sa tinuod, ang work culture sa Japan nailhan gihapon sa istrikto nga disiplina ug taas nga expectations, ug dili tanan nga kompanya mosugot sa pagkatulog sa oras sa trabaho. Busa, bisan og adunay gamay nga pagdawat sa “inemuri,” dili kini pasabot nga pwede na lang matulog bisan kanus-a.
Ang maong istorya nagpahinumdom nga ang paningkamot importante, apan mas maayong balanse gihapon ang trabaho ug pahulay aron malikayan ang sobra nga kakapoy ug burnout.
Photo Courtesy: Manifattura Falomo
