Gigamit sa mga residente sa southern China ang dahon sa gabi isip improvised mask aron maprotektahan ang ilang nawong batok sa kusog nga sikat sa adlaw ug init nga hangin.
Tungod sa temperatura nga mosaka og kapin 35°C, misugod ang uban sa pagbutang og dagkong dahon sa ilang nawong, nga nahimong praktikal nga paagi sa pagpabugnaw samtang naglakaw o nagtrabaho sa gawas.
Mikaylap kini sa social media ug dali nga nahimong trending, hinungdan nga daghang tawo ang nisunod sa maong ideya.
Bisan og talagsaon tan-awon, napamatud-an nga epektibo kini tungod kay ang dahon makapugong sa direktang init ug makatabang sa pagpanalipod sa panit.
Libre ug sayon ra usab makuha ang maong dahon, maong nahimong alternatibong solusyon sa kainit sa panahon.
Photo Courtesy: AV facts
