Nagpahayag pinaagi sa ilang official Facebook page og dakong paghinam-hinam ang American rock band nga Dashboard Confessional sa ilang pagbalik sa Pilipinas aron mulingaw sa ilang mga Filipino fans. Mahinumduman nga ang ilang unang concert dinhi sa nasud gipahigayon niadtong Mayo 27, 2010 sa Manila concert scene.
Karon, gikatakdang mopasundayag ang banda karong umaabot nga Mayo 8 sa Mall of Asia Arena, ug mosunod sa Mayo 9 sa Waterfront Cebu City Hotel and Casino.
Kauban nila sa ilang konsiyerto ang The Red Jumpsuit Apparatus ug ang Canadian pop rock band nga Faber Drive, nga siguradong maghatag og dugang kasadya sa maong musical event.
Ang Dashboard Confessional nailhan sa ilang mga hit songs sama sa “Stolen,” “Vindicated,” ug “Hands Down,” nga gihigugma sa daghang fans sa tibuok kalibutan, lakip na ang Pilipinas.
Gilauman nga daghang fans ang motambong sa maong konsiyerto, nga usa ka higayon sa pagbalik sa emosyonal ug nostalgic nga musika nga gipasikat sa banda.
Photo Courtesy: Substream Magazine
