Gibalibaran ni US President Donald Trump ang tanyag ni Russian President Vladimir Putin nga motabang sa pagsulbad sa giyera sa Iran.
Sumala sa report, nagkaistorya og pribado si Trump ug Putin niadtong Miyerkules aron hisgutan ang posibilidad nga ilambigit ang pagtapos sa giyera sa Iran sa nagpadayon nga panagbangi sa Ukraine.
Matod ni Trump, misugyot si Putin nga motabang sa proseso sa enrichment, apan tubag ni Trump, mas gusto niyang magpokus si Putin sa pagtapos sa giyera sa Ukraine.
Gi-rate usab sa Presidente nga ang ilang panaghisgot usa ka maayong lakang ug iyang gisugyot kang Putin sa pagsulbad sa ceasefire tali sa Ukraine.
Sa laing bahin, giingong gidayeg ni Putin ang desisyon ni Trump nga palugwayan ang ceasefire sa Iran aron hatagan og higayon ang dugang diplomatikong pakigpulong.
Ang upat ka semana nga extension sa ceasefire sa Tehran giubanan usab sa naval blockade sa Estados Unidos aron mapugos ang Iran nga mobalik sa negosasyon.
Photo Courtesy: The Associated press
