Mikabat sa pito ka indibidwal ang namatay human nahugno ang usa ka bongbong sulod sa hospital complex sa Bengaluru, India. Lakip sa mga biktima ang usa ka bata, upat ka street vendor, ug duha ka indibidwal nga gikan sa Kerala.
Sumala sa mga opisyal, giila ni Indian Prime Minister Narendra Modi ang hitabo nga usa ka “unfortunate” ug nagpahayag sa iyang simpatiya sa mga pamilya sa mga namatay.
Sa karon, padayon ang imbestigasyon aron masuta kung unsay tinuod nga hinungdan sa pagkahugno sa pader ug kung adunay kakulang sa safety standards o maintenance sa pasilidad.
Gituohang ang kalit nga pagbag-o sa panahon sa Karnataka, gikan sa grabeng kainit ngadto sa kusog nga ulan, ug hangin, nakadugang sa kahuyang sa istruktura sa pader.
Padayon nga giimbestigahan sa mga awtoridad ang hinungdan sa pagkahugno sa pader samtang gisusi ang kinatibuk-ang kadaut niini.
Photo Courtesy: NDTV Profit
