Nakapukaw og daghang reaksyon ang usa ka insidente sa Odisha, India diin gidala sa usa ka lalaki ang patayng lawas sa iyang igsoon ngadto sa bangko.
Sumala sa report, misulay siya og withdraw og kapin ₹20,000 o katumbas sa halos ₱13,000 gikan sa account sa iyang igsoon nga bag-ohay lang namatay. Apan, wala siya gitugotan tungod sa polisiya sa bangko nga kinahanglan anaa mismo ang account holder.
Bisan pa sa iyang balik-balik nga pagpasabot nga patay na ang tag-iya sa account, wala gihapon siya matugoti. Tungod sa kalagot ug kapakyasan, gidala niya ang patayng lawas sa iyang igsoon ngadto sa bangko aron ipakita ang tinuod nga kahimtang.
Ang maong insidente nagpasangpot karon og diskusyon sa publiko bahin sa kahigpit sa mga patakaran sa bangko.
Photo Courtesy: AV factories
