Gimando ni Philippine National Police Chief PGEN. Jose Melencio Nartatez Jr. nga kasohan na og administratibo ug kriminal ang duha ka pulis nga nadakpan sa anti-illegal mining operation sa Opol, Misamis Oriental.
Matod pa ni PBGEN. Randulf Tuaño, apil ang duha ka aktibong pulis nga naka-assign sa Davao de Oro sa unom ka mga suspetsado nga naaresto human masakpi sa checkpoint operation sakay sa sakyanan nga adunay gidudahang mineral ores nga walay permit.
Nakumpiska sa operasyon ang 58 ka sako sa wala pa maprosesong mineral ores nga gibanabanaang nagkantidad og ₱290,000, lakip ang sakyanan, armas, mga bala, communication devices ug uban pang kagamitan nga gituohang gigamit sa iligal nga kalihokan.
Photo Courtesy: Philippine News Agency
