Naghatag og sneak peek Si Vice Ganda sa iyang makeup transformation kung asa iyang gi-reimagine ang iconic nga “Girlie” character gikan sa 2013 hit film nga Girl, Boy, Bakla, Tomboy sa iyang pagbalik sa noontime show nga It’s Showtime.
Sa iyang Facebook video, gipakita ni Vice kung giunsa niya pag-modernize ang signature smoky eye look ni Girlie. Giingon niya nga kaniadto dali ra kaayo ang transformation sa shooting, pero karon gipapino ug gihimo na og mas polished nga style.
Gipares usab niya ang look sa blonde wig ug parehas nga outfit sa original character—striped top ug red skirt—aron kompleto ang nostalgia vibes.
Nagpasalamat pud si Vice sa renewed appreciation sa mga pelikula sa yumaong direktor nga si Wenn Deramas, nga nagdumala sa maong pelikula. Matod pa niya, nalipay siya nga gihandom gihapon ang mga obra niini.
Ang “Girl, Boy, Bakla, Tomboy” nga gipagawas niadtong 2013, usa ka MMFF entry nga nag-una sa istorya sa upat ka magkakambal nga nagkita pag-usab ug nakasugat sa ilang mga personal nga kasakit ug kasaysayan.
Daghang fans ang na-nostalgia ug ni-appreciate sa pagbalik sa iconic nga karakter ni Vice.
Photo Courtesy: Pinterest
