Nakadawat og cash-for-training subsidy ug stipend ang mga tutors ug Youth Development Workers (YDWs) sa Cebu Normal University ubos sa Tara, Basa! Tutoring Program (TBTP) kagahapong adlawa, Abril 28, 2026.
Ang maong mga estudyante nakahuman og lima kaadlaw nga capability building isip pagpangandam sa implementasyon sa TBTP karong 2026. Ang ilang nadawat nga ayuda makatabang sa ilang adlaw-adlaw nga panginahanglan samtang magsugod sila sa ilang pagtudlo sa Mayo 4, lakip na ang pagdeploy sa uban ngadto sa mga layo ug lisod maabot nga barangay.
Ang TBTP usa ka flagship program sa nasudnong gobyerno nga nagtumong sa paghatag og oportunidad sa mga estudyante isip tutors ug YDWs, samtang nagtabang sa mga kabataan nga naglisod sa pagbasa.
Naglakip usab kini og “Nanay-Tatay teacher sessions” aron maapil ang mga ginikanan sa pagpalig-on sa edukasyon.
Photo Courtesy: DSWD – Central Visayas
