Gihingusgan ni kanhi Presidential Spokesperson Harry Roque nga walay basehan ang mga reklamo nga gisang-at batok kanila sa Bureau of Internal Revenue (BIR). Matod ni Roque walay nahitabong pag-isyu sa shares ug isumiter nila ang tanang tax returns subay sa balaod.
Gipasakahan sa Bureau of Internal Revenue (BIR) og kasong willful attempt to evade taxes ug failure to file tax returns ubos sa National Internal Revenue Code of 1997 sila si Harry Roque, ang asawa niini, ug ilang legal counsel nga si Percival Ortega sa Department of Justice (DOJ).
Matod sa BIR, mikabat sa kapin Php3.35 milyon ang wala nila mabayari nga buhis lakip ang interes. Apan giingon ni Roque nga pamolitika ug harassment lamang kini batok kanila tungod sa ilang koneksyon sa mga Duterte.
Dugang pa niya, gamiton nila ang tanang legal remedies ug kumpiyansa sila nga wala silay nalapas nga balaod.
Source: Philippine News Online
