Nagpagawas og precautionary hold departure order (PHDO) ang Sixth Division sa Sandiganbayan batok kang Senator Francis Joseph “Chiz” Escudero ug usa ka pribadong indibidwal kagahapon Abril 27, 2026.
Sumala pa sa dokumento nga gipagawas sa anti-graft court, gimandoan ang Commissioner sa Bureau of Immigration nga pugngan ang paggawas sa Pilipinas sa mga nasangpit nga respondents samtang nagpadayon ang proseso sa kaso.
Dugang pa niini, lakip usab sa gibutang sa Hold Departure List ang usa ka indibidwal nga giila nga si Maynard Siy Ngu, diin si Escudero nakatala isip Senator samtang si Ngu isip Private Citizen.
Naggikan ang maong direktiba sa usa ka Verified Ex Parte Application for the Issuance of a Precautionary Hold Departure Order nga gisumite sa Sixth Division sa korte.
Sa kasamtangan, kasagarang gihimo kini sa Sandiganbayan isip precautionary measure aron masiguro nga ang mga indibidwal magpabilin sulod sa hurisdiksyon sa nasud samtang ginaproseso pa ang posibleng reklamo o preliminary investigation.
Dugang pa niini, giatiman karon sa mga otoridad ang implementasyon sa maong PHDO samtang nagahulat pa sa opisyal nga pahayag ang kampo ni Senador Escudero ug ni Ngu, lakip na ang kumpirmasyon gikan sa Bureau of Immigration
Photo Courtes:Malaya Business Insight
