Labing menos upat ka mga tawo ang namatay human ang duha ka tren nagbangga sa syudad sa Bekasi, duol sa kaulohan sa Jakarta, niadtong Lunes sa gabii Abril 17, 2026
Gikumpirma sa operator sa tren sa Indonesia nga upat ka tawo ang kompirmadong namatay samtang 38 pa ang gidala sa duol nga mga ospital sa maong aksidenti sa Bekasi rail station diin ang usa ka commuter line nga tren ug usa ka long-distance nga tren nagbangga.
Si Deputy Speaker Sufmi Dasco Ahmad nipasidaan nga posibleng mosaka ang ihap sa mga biktima sanglit nagpadayon pa ang rescue operations.
Sumala sa mga taho, gibana-bana nga unom ngadto sa pito ka mga tawo ang natanggong gihapon sulod sa mga karwahe, mao nga ang mga rescue team nagpadayon sa pagputol sa puthaw nga mga bahin sa tren aron maluwas ang uban.
Kalabot niini, nagpahigayon usab og imbestigasyon ang Jakarta Police aron masuta ang hinungdan sa bangga.
Labing menos 20 ka mga ambulansya ang nakit-an usab sa lugar nga nahitaboan, samtang ang mga tigluwas gikan sa nasudnon nga kalamidad ug mga ahensya sa pagluwas nagtabang sa pagbakwit sa mga pasahero.
Photo Courtesy: Reuters
