Gipahibalo ni Pangulong Ferdinand “Bongbong” Marcos Jr. nga apil na sa prayoridad sa gobyerno ang mga public school teacher sa programa nga dekalidad nga pabalay.
Gihimo sa Pangulo ang maong anunsiyo atol sa iyang pagtambong sa mass oath-taking sa mga gi-promote nga public school teachers sa Western Visayas.
Matod pa sa Pangulo, pinaagi sa panagtinabangay sa Department of Education (DepEd) ug Pag-IBIG Fund, hatagan na og prayoridad ang mga magtutudlo ug DepEd personnel sa pag-access sa housing program sa gobyerno.
Giingon pa niya nga maglunsad usab og housing fair sa tibuok nasud aron mapadali ang proseso sa aplikasyon.
Lakip sa mga serbisyo nga ihatag mao ang loan counselling ug uban pang tabang aron mas daghang magtutudlo ang makabaton og kaugalingong panimalay.
Photo Courtesy: ibctv13
