Nadakpan sa mga kapulisan ang usa ka 51-anyos nga mananagat atol sa gilusad nga seaborne patrol operation sa may kadagatang bahin sa Barangay San Pedro, Pagadian City, kagahapon, Abril 27, 2026.
Sumala sa mga operatiba nga nadakpan ang suspetsado tungod sa pag-operate og sakayan sa pangisda nga walay saktong lisensya nga klarong pagsupak sa Section 86 sa Republic Act No. 10654.
Narekober gikan sa suspetsado ang usa ka bagnet fishing boat, tulo ka KAMA 12 horsepower nga makina ug nagkadaiyang gamit sa pangisda. Ang suspetsado ug ang mga nakompiskar nga ebidensya gidala sa ZDS Maritime Police Station alang sa dokumentasyon.
Diin itugyan ra usab kini ngadto sa Bureau of Fisheries and Aquatic Resources sa Pagadian alang sa legal nga aksyon.
Photo Courtesy: ZSPPO-PRO9
