Napalgan nga patay ug naa na sa state of decomposition ang lawas sa usa ka 71-anyos nga lalaki sa Sitio Lumangkon, Barangay Matalang, lungsod sa Dumingag, Zamboanga del Sur.
Sumala sa Midsalip Municipal Police Station, katapusan kining nakita sa iyang pamilya niadtong Abril 23, 2026, ug nasuta na lang kagahapon sa buntag, Abril 27 ang patayng lawas sa biktima sa kasagbutan nga bahin sa lugar nga wala na’y kinabuhi.
Sa gihimong post-mortem examination sa Midsalip RHU wala nakitang foul play sa kamatayon sa biktima, ug gituohang Myocardial Infarction Secondary to Chronic Hypertension ang hinongdan sa kamatayon niini.
Sa karon ang patay’ng lawas sa usa ka senior citizen anaa na kini sa kabanay ug nakatakda na nga ihatod sa katapusang kapahulayan.
Photo Courtesy: ZSPPO-PRO9
