Misaka sa Php3.8 bilyon ang kita sa UnionBank of the Philippines sa unang quarter sa tuig. Sumala sa bangko, nisaka kini og 167 porsyento kumpara sa miaging tuig, tungod sa kusog nga pagpautang, mas taas nga margin, ug ubos nga credit costs, bisan pa sa epekto sa market volatility.
Ang total revenue miabot sa kinatibuk-ang Php21.7 bilyon, samtang ang net interest income misaka ngadto sa Php16.8 bilyon.
Lig-on gihapon ang consumer lending nga mitubo og 19.2 porsyento, samtang misaka usab ang institutional loans og 11.5 porsyento.
Dugang pa, nisaka usab ang net interest margin ngadto sa 6.7 porsyento ug nagpadayon nga lig-on ang fee income tungod sa daghang digital transactions.
Photo Courtesy: Philstar Global
