3,000 kapin ang mopaubos sa mandatory drug testing sa tanang regular ug casual employees sa City Mayor’s Office ug uban pang dibisyon sa lokal nga panggamhanan sa Malaybalay isip kabahin sa kampanya alang sa usa ka drug-free nga workplace kagahapon, Abril 23 – Abril 24, 2026.
Gihimo ang drug testing sa Vine Medical Clinic sa Barangay 9, ug gibahin sa oras base sa mga opisina. Gikan alas 8:00 sa buntag hangtod alas 3:00 sa hapon gi-schedule ang City Mayor’s Office, samtang alas 3:00 hangtod alas 4:00 sa hapon ang CMO-BPLD, Office of Senior Citizens Affairs (OSCA), City Urban Development and Housing Office (CUDHO), City Court, Liga, ug Hall of Justice. Ang City Assessor’s Office ug City Civil Registrar’s Office maoy mosunod gikan alas 4:00 hangtod alas 5:00 sa hapon.
Sumala sa memorandum nga gipirmahan ni City Mayor Jay Warren R. Pabillaran, ang tanang empleyado kinahanglan motuman sa ilang designated schedule. Ang mga wala makaapil tungod sa official travel o valid nga hinungdan kinahanglan mobuhat sa testing sa sunod nga working day o sa ilang pagbalik.
Giabisohan kadtong dili mosunod sa maong direktiba nga mag-atobang sa disciplinary action.
Photo courtesy: LGU – Malaybalay
