Mibalik sa trono ang Cool Smashers human sa duha ka tuig. Naangkon sa Creamline ang ika-11 nga korona pinaagi sa 25-23, 22-25, 25-16, 16-25, 15-11 nga kadaugan batok sa Cignal sa Game Two sa 2026 Premier Volleyball League (PVL) All-Filipino Conference Finals atubangan sa 17,360 ka fans kagahapon sa Smart Araneta Coliseum.
Mikompleto ang Cool Smashers sa 2-0 nga sweep sa ilang best-of-three championship series uban sa Super Spikers.
Sila si Bernadeth Pons ug Jema Galanza subling nangulo sa opensa sa tropa ni coach Sherwin Meneses samtang ang krusyal nga pagsalbar nila ni Tots Carlos ug Pangs Panaga sa fifth set maoy yawe sa ilang kadaugan.
Mao kini ang unang kampiyonato sa Cool Smashers human nila nadaog ang 2024 PVL Invitationals diin ilang gipildi ang Super Spikers, 3-2, aron makuha ang ilang ika-10 nga korona.
Mitala si Pons og triple-double nga 20 puntos, 19 ka excellent digs ug 12 ka receptions aron pangulohan ang Creamline, samtang si Meneses, sa laing bahin, nakadaog sa iyang ikawalong titulo isip coach sa Cool Smashers
Photo Courtesy:PVL
