Nabutang sa rekord usa ka talagsaong artifact gikan sa makasaysayanong trahedya sa Titanic sinking human kini nabaligya sa kantidad nga $905,000 o kapin sa ₱50 milyon sa usa ka subasta sa England.
Ang maong life jacket, nga giisip nga bugtong nakalusot nga personal flotation device gikan sa Titanic sulod sa kapin 114 ka tuig, gibaligya sa subasta nga gihimo sa Henry Aldridge & Son sa Devizes, Wiltshire. Kini giila nga usa sa pinakahalangdon nga memorabilia nga may kalabutan sa barko.
Sumala sa rekord, ang life jacket gisul-ob ni Laura Mabel Francatelli, usa ka first-class nga pasahero ug usa sa mga naluwas sa trahedya niadtong 1912. Gisul-ob niya kini sa wala pa siya mosakay sa lifeboat samtang nagkaguliyang ang paglikas sa mga pasahero.
Ang life jacket adunay 12 ka bulsa, shoulder rests, ug side straps, ug gikatahong gipirmahan mismo ni Francatelli human siya maluwas.
Dugang pa sa maong item, usa usab ka seat cushion gikan sa Titanic lifeboat ang gibaligya sa laing transaksyon sa kantidad nga $27,000. Walay dugang detalye kung kinsa ang nakapalit sa maong mga butang
Photo courtesy: Titanic Belfast
