Kasamtangang gituki sa palasyo ang balaudnon nga e-postpone pag-usab ang Barangay ug Sangguniang Kabataan Elections (BSKE) taliwa sa krisis sa ekonomiya ug pagsaka sa presyo sa lana.
Matod ni Palace Press Officer Claire Castro nga abli si Presidente Ferdinand Bongbong Marcos Jr. sa mga sugyot nga makatabang sa nasud lakip ang lakang nga mahimong makadaginot hangtod Php16-B kung dili madayon ang piniliay.
Subay kini sa hangyo nga adunay unom ka buwan nga postponement sa BSKE nga nakatakda sa Nobyembre 2 ug giingong itagana na lang ang pondo niini aron hatagan og pagtagad ang epekto sa pagsaka sa presyo sa lana.
Apan matod pa nga una na nga nipamahayag ang Korte Suprema nga supak sa Konstitusyon ang balik-balik nga pagsibog sa skedyul sa piniliay.
Photo credits: pna.gov.ph
