Gihulagway Governor Rogelio Oniel Roque nga ang sakit sa kasing-kasing maoy nag-unang hulga sa panglawas sa katawhan ug usa sa nag-unang hinungdan sa kamatayon atol kana sa gipahigayon nga region wide launching sa Philhealt Gamot Program , bisan pa niana kini matod pa mapugngan pinaagi sa husto og healthy nga lifestyle.
Sa iyang pamahayag, giingon nga dili lamang sakit ang ginakontra kondili ang lifestyle, ug posible kini mausab pinaagi sa disiplina sa kaugalingon. Gipasiugda usab niya ang kahinungdanon sa paglikay sa mga pamatasan nga makadaot sa panglawas sama sa sobra nga pagkaon, ilabi na sa mga okasyon.
Naghatag usab siya og pananglitan sa personal nga kausaban, lakip ang pagminus sa pagtambong sa mga pista aron malikayan ang dili kontroladong pagkaon. Giingon niya nga importante ang pag-atiman sa kaugalingon aron malikayan ang seryosong sakit sama sa heart attack.
Gipasiugda usab ang kahinungdanon sa mga programa sama sa GAMOT nga nagtumong sa paghatag og access sa tambal ug pagpalig-on sa primary health care aron mapugngan ang sakit.
Gidugang nga ang panglawas dili lang personal nga responsibilidad kondili usa ka kolektibong paningkamot, uban sa padayon nga suporta sa lokal nga pangagamhanan ug mga kauban nga ahensya.
Photo Courtesy: Parkview Health
