Gikabalak-an sa Provincial Veterinary Office (PVET) ang posibleng pagsulod ug pagawas sa undocumented nga mga Livestock sa lalawigan tungod sa kakulang sa manpower human sa pagkibhang sa Sangguniang Panlalawigan sa ilang budget.
Sumala pa ni Provincial Veterinarian Dr. Benjamin Resma, dako ang risgo sa regulatory function sa buhatan tungod kay gikan sa ₱4.7 milyon nga pondo, ₱960,000 na lamang ang gi-aprubahan.
Gipasabot ni Resma nga posibleng mahurot ang mga personnel nga nagbantay sa animal quarantine checkpoints kon dili kini madugangan og pondo.
Ang sitwasyon mahimong makaapekto sa pagmonitor sa pagbiyahe sa mga hayop nga importante aron malikayan ang pagsulod sa mga sakit nga makadaot sa livestock industry sa probinsya.
Gipahimangno sa PVET ang kahinungdanon sa igong suporta aron mapadayon ang epektibong pagbantay sa mga checkpoint ug maprotektahan ang sektor sa agrikultura sa Misamis Oriental.
Photo courtesy: Freepik
