Gilaraw ni Konsehal ug Majority Floor Leader, Edgar Cabanlas nga makigtagbo sa mga stakeholders sa produktong petrolyo sa dakbayan aron nga masuta kung aduna pa bay igong supply sa lana.
Gibutyag ni Cabanlas nga dako ang iyahang kabalaka nga masubli sa kasamtangan, ang nahitabo kaniadtong 1972 oil crisis kung asa grabeng epekto sab ang nabati sa katawhan.
Buot niyang masuta kung unsa nga mga lakang ang ginahimo sa mga kompanya sa lana aron masiguro nga walay shortage sa petrolyo ug dili ta muabot sa punto nga kinahanglang magpatuman og pagrasyon o pagbahin-bahin sa petrolyo.
Dugang ni Cabanlas nga sa nasinating krisis karon nga nagresulta sa pagdoble sa presyo sa produktong petrolyo, dakong kabahinan ang Oil Deregulation Law kung asa nawad-an og kontrol ang gobyerbo sa industriya lana.
