Gihagit ni Ferdinand Marcos Jr. ang iyang mga kritiko nga nagpakaylap og isyu kabahin sa iyang panglawas, pinaagi sa pagdapit kanila nga mag-ehersisyo kuyog niya aron mapamatud-an kung kinsa ang mas kusgan.
Gihimo ang pahayag sa presidente atol sa usa ka public appearance, diin iyang gipanghimakak ang mga alegasyon nga siya adunay sakit.
Sumala sa presidente, andam siyang moatubang sa bisan kinsa nga nagduda sa iyang kahimtang ug mismong makita sa gym ang iyang pisikal nga abilidad.
Giingon niya nga mas maayo nga ipakita sa buhat kaysa sa mga istorya lamang, ug gipasiugda nga wala siyay seryosong problema sa panglawas.
Mitumaw ang maong pahayag ni Ferdinand Marcos Jr. taliwala sa nagkadaiyang spekulasyon sa social media bahin sa iyang kondisyon.
Bisan pa niini, nagpabilin siyang aktibo sa iyang mga opisyal nga buluhaton ug gihimakak ang mga alegasyon, samtang gidasig ang publiko nga dili motuo dayon sa walay basihanan nga impormasyon.
Photo Courtesy: Philippine News Agency
