Miani ug nagkadaiyang reaksyon ang nahimong resulta sa Laga Daw Malaki Ta Bukidnon Coronation Night nga gipahigayon byernes sa gabii, Abril 10, 2026 sa Folks art Theater, Malaybalay City.
Kini human gianunsyo ang resulta, niulbo ang venue uban ang kusog nga reaksyon sa mga supporters nga nagtuo nga si Princess Joyce B. Tagno-ay kinsa nagrepresentar sa lungsod Talakag maoy makoronahan. Base sa mga video ug mga post sa social media nga nag-circulate human sa kalihokan nakuha ang kakusog sa pagtubag sa mga tawo, uban sa usa ka kaylap nga gipaambit nga pageantry nga mga reaksyon sa kagabhion dihang gitawag nga 1st Runner-Up. Apan sa tunga-tunga sa maong emosyonal nga higayon, nakita si Tagno-ay nga nagsenyas sa iyang mga dumadapig nga mokalma, gipili ang pagpugong ug nagpakita sa pagkakalmado bisan pa man sa resulta.
Dali nga nakakuha og pagdayeg online ang iyang tubag, uban sa daghang mga tagasunod sa pageant nga naghulagway niini isip usa ka reyna nga buhat sa sportsmanship, Ang lihok ni Tagno-ay nakatabang sa pagpreserbar sa dignidad sa koronasyon ug nagpakita og respeto sa pageant, sa mga tumatan-aw, diin nahimong mananaog, si Rosa Saguilan Lungayan sa Valencia City.
Samtang, giklaro sab ni Talakag Municipal Mayor Renz Sulatan Jr. ang kalabot sa iyang pagduol sa mga judges niadtong higayona nga igo lamang nangutana ug gidawat ang resulta.
Kahibaloang nahimong crowd favorite ang kandidata sa Talakag apan pakyas niining makuha ang kadaogan human gikoronahang Laga Ta Bukidnon 2026 ang kandidata sa Valencia City nga si Ross Saguilan Lungayan.
Base sa resulta sa scores sa mga judges, nidaog sa duha sa tulo ka mga judges ang kandidata sa Talakag apan gipaagi sa averaging ang desisyon hinungdan nga nidaug ang kandidata sa Valencia City.
Photo Courtesy: Bukidnon Kaamulan
