Gipahigayon ang orientation sa Juander Radyo Loyalista Incorporated sa Sitio Tinago, Brgy. Ilomavis, Kidapawan City, adlaw’ng Sabado, Abril 11, 2026.
Diin ang kalihokan gipangunahan sa Juander Radyo Kidapawan Team, kun asa giklaro ngadto sa mga partisipante ang kamahinungdanon sa organisasyon ug pinaagi sa pagtinabangay matabangan ang matag indibidwal nga mamahimong miyembro sa Juander Radyo Loyalista.
Ang Juander Radyo Loyalista Incorporated usa ka organisasyon o grupo sa pagtinabangay nga legal nga nag-operate isip organisasyon, diin ang mga miyembro mohatag lamang sa kinasing-kasing nga kantidad na (10 centavos) matag usa kung adunay miyembro sa grupo nga mitaliwan, aron makatabang sa pamilyang nabilin.
Giawhag usab ang mga katawhan sa probinsya sa North Cotabato nga interesadong magpa-orient sa ilang lugar nga mokontak o mobisita lamang sa JUANDER RADYO KIDAPAWAN nahimutang sa 3rd floor, Paseo Bldg., Osmeña Drive, Brgy. Poblacion, Kidapawan City.
