Gilauman ang usa ka nindot nga duwa sa women’s tennis sa panagsangka nila Alex Eala ug Leylah Fernandez sa unang hugna sa Porsche Tennis Grand Prix karong Lunes, sa Stuttgart, Germany.
Diin ang duwa ipahigayon sa Porsche Arena sa hapon (German time), kun asa mao kini ang unang panagtagbo sa duha ka left-handed players nga parehong gikonsiderar nga rising star sa world tennis.
Kahibaluan nga si Eala, 20-anyos, nagpadayon sa paghimo og kasaysayan alang sa iyang kaugalingon sa international tennis human nakaabot sa career-best ranking nga No. 29 sa Women’s Tennis Association (WTA).
Si Eala bag-o lang nakaabot sa ikaduhang hugna sa Upper Austria Ladies Linz Open sa wala pa mapildi ni Jelena Ostapenko, kinsa kanhing kampeon sa French Open.
Sa laing bahin, si Fernandez, 23-anyos, kinsa adunay lahing Filipino apan nagrepresentar kini sa Canada, kasamtangang anaa sa taas ng ranggo sa No. 25 ug nakaabot sa career-best No. 13. Giila siya isip runner-up sa US Open 2021 diin napildi siya ni Emma Raducanu.
Photo Courtesy: Inquirer
