Gikansela ni Nawaf Salam, Prime Minister sa Lebanon, ang iyang planong mobiyahe padulong sa United States ug sa United Nations.
Sumala sa pamahayag, gipili ni Salam nga magpabilin sa Beirut tungod sa mga sitwasyon nga dili malikayan ug nanginahanglan sa iyang presensya sa nasud.
Una nang gipahibalo sa gobyerno sa Lebanon ang maong biyahe padulong Washington, ilabina human mitugot ang Israel sa direktang negosasyon uban sa Lebanon.
Dili kini ang unang higayon nga naapektuhan ang iskedyul sa Prime Minister, sukad sa pagsugod sa tensyon ug giyera tali sa United States ug Iran, nga padayon nga nakaapekto sa kahimtang sa rehiyon.
Padayon nga ginabantayan sa mga otoridad ang sitwasyon samtang nagpadayon ang diplomatikong paningkamot aron mapahupay ang tensyon sa Middle East.
Photo Courtesy: Al Jazeera
