Niapil sa FIG World Cup Series ang Filipino gymnast nga si Eldrew Yulo nga gipahigayon sa Osijek, Croatia, diin siya nakigkompetensya sa horizontal bar finals.
Sa resulta sa finals, nakakuha siya og iskor nga 13.366 points ug miranggo sa ikawalo nga pwesto.
Sa qualifying round, mas taas pa ang iyang nahimo nga dunay 13.733 points. Sa maong kompetisyon, ang nag-una sa gold medal mao ang atleta gikan sa Taiwan nga nakakuha og 15.233 points, gisundan sa atleta sa Kazakhstan nga adunay 14.933 points, ug sa Colombia nga adunay 14.833 points.
Sa laing bahin, dili lang sa horizontal bar siya niapil, tungod nakigkompetensya pud siya sa floor exercise diin nakuha niini ang ikapito nga ranggo.
