Gatosan ka mga taxi driver sa rehiyon-10 ang nakadawat na og ₱5,000 fuel subsidy gikan sa Land Transportation Franchising and Regulatory Board Region-10.
Sumala sa LTFRB-10, gisugdan na ang paghatag sa cash assistance isip kabahin sa programa sa gobyerno aron mapagaan ang epekto sa pagsaka sa presyo sa krudo sa public transport sector.
Gipadayag usab sa ahensya nga sukad Abril 1, 2026, naka-release na sila og 8% sa total national fuel subsidy allocation, nga nagpakita sa aktibong partisipasyon sa rehiyon sa nationwide rollout sa maong programa.
Ubos sa pagpangulo ni Regional Director Aljo Bendijo, nagpadayon ang LTFRB 10 sa paghatag og episyente nga serbisyo ug suporta sa mga drayber aron matabangan sila sa pagsagubang sa pagtaas sa presyo sa petrolyo.
Photo courtesy: LTFRB Region X – Cagayan de Oro City
