Gikinahanglan nga mag-establisar og konkretong Energy Crisis Plan ang lokal nga panggamhanan human sa pagdeklara og State of Energy Emergency sa syudad.
Sumala kang konsehal Yvy Emano ug Imee Moreno, mas angay nga adunay klaro ug malungtarong plano aron maatubang ang posibleng dugay nga epekto sa krisis sa enerhiya.
Gipahayag kini atol sa Special Regular Session, diin giingon nga bisan importante ang paghatag og ayuda gamit ang emergency fund, dili kini igo kung walay long-term nga solusyon ang syudad.
Human sa deklarasyon sa state of emergency, dali nang nagamit ang pondo aron matabangan ang labing apektadong sektor ilabi na sa transportasyon. Apan, giingon sa mga konsehal nga kinahanglan mapalapdan pa ang tabang ug dili lamang limitado sa pipila ka sektor.
Sa pagkakaron, mamatikdan ang pagsaka sa presyo sa produktong petrolyo, pletehan, ug bisan sa batakang palaliton sama sa pagkaon, nga nagdugang sa kabug-aton nga ginapas-an sa mga residente.
Photo courtesy: Cagayan de Oro City Council
