Gilauman nga makadawat na sa fuel cash assistance ang mga tricycle drivers ug operators nga nahuman na sa pag- validate ug nasumite na ngadto sa Department of Social Welfare and Development (DSWD) Region 9 sa mosunod semana.
Matod ni City Social Welfare and Development Office (CSWDO) Head Evangeline Poquita, nipasalig na ang DSWD Region 9 nga ang nahibiling lista nga validated na apan wala pa na-releasan sa Php5,000 makadawat ra sa Abril 16.
Pagpasabot ni Poquita, gumikan sa taas nga holiday wala na naapas ang pag-revalidate sa naulahing na submit nga mga pangalan sa mga benepisyaryo hinungdan posible didtu na sila sa 2nd tranche mudawat.
Ang fuel cash assistance nga Php5,000 gihatag alang sa sektor sa transportasyon kabahin sa programa sa gobyerno aron matabangan ang mga drayber nga naapektuhan sa pagsaka sa presyo sa produktong petrolyo.
Gidasig usab ang mga kwalipikadong driver ug operator nga maghulat lamang sa opisyal nga pahibalo gikan sa Local Government Unit alang sa eksaktong adlaw ug pamaagi sa pagkuha sa maong cash assistance.
