Gatusan ka mga motor-rela ug tricycle drivers sa nagkadaiyang sa dakbayan sa Malaybalay ug Valencia ang nakadawat sa cash aid gikan sa Department of Social Welfare and Development (DSWD) Field Office 10 kagahapon Abril 08, 2026.
Sumala ni Oliver B. Inodeo ang Information Officer ll sa DSWD- Field Office-10, gitumong ang programa aron makatabang sa ilang panginabuhian taliwala sa nagpadayon nga krisis sa ekonomiya.
Sa dakbayan sa Malaybalay, adunay kinatibuk-ang 596 ka targeted beneficiaries sa Barangay Casisang ning Dakbayan. Samtang sa dakbayan sa Valencia, mas dako ang pundok sa mga benepisyaryo diin moabot sa 950 ka mga drivers ang nakadawat sa susamang tabang pinansyal
Giklaro sa DSWD nga kini nga programa gipatuman sa tibuok nasod, ug sa Northern Mindanao, walo 8 ka mga syudad ang nalakip sa payout diin matag usa nakadawat sa tag – 5,000 mil pesos
Sa pagkakaron, ang maong ayuda limitado pa lamang sa mga syudad. Alang sa mga drivers sa mga munisipalidad, ang DSWD Field Office 10, naghulat pa sa dugang mando o direktiba gikan ni DSWD Secretary Rex Gatchalian.
Nagpabilin ang DSWD nga andam mopaabot og dugang tabang kon aduna na’y bag-ong mando gikan sa Office of the President ug sa ilang Central Office base sa dagan sa ekonomiya sa nasod
Photo Courtesy: DSWD 10
