Dako ang kalipay sa mga katawhan nga nakabenipesyo sa gipahigayon nga ika-5 anibersaryo sa Juander Radyo Malaybalay 90.5FM uban sa temang “Kinasing-kasing nga Serbisyo Publiko” sa Barangay Aglayan Covered Court, kagahapon Abril 08, 2026.
Gipasiugdahan ang maong kalihokan pinaagi sa paghatag og nagkadaiyang libreng serbisyo alang sa katawhan sama sa libreng manicure ug pedicure, libreng gupit, libreng masahe, ug libreng pagkaon.
Sa maong higayon mokabat sa 100 ka indibidwal ang naserbisyohan sa pedicure, samtang 100 usab ang nakapahimulos sa manicure. Kapin sa 100 sab ang nakahimulos sa libreng masahe, ug 201 ka indibidwal ang napahimulos sa libreng gupit. Sa kinatibuk-an, mikabat sa kapin 500 ka katawhan ang nakabinepisyo sa maong kalihokan.
Sa maong okasyon, mihatag mensahe ang President and CEO sa RSV Group of Companies Sir Richard S. Villaronte, kinsa mapasalamaton sa padayon nga suporta sa katawhan ug iyang gipadayag ang kalipay sa kalambuan sa estasyon sukad sa pagsugod niini hangtod sa pagkakaron nga nahimong dako ug lig-on nga tinubdan sa impormasyon ug serbisyo publiko.
Nagpakita ang maong anibersaryo sa padayon nga paningkamot sa Juander Radyo Malaybalay sa pag-alagad sa komunidad pinaagi sa matinud-anon ug kinasing-kasing nga serbisyo publiko
