Stable na ang kahimtang sa usa ka atleta sa Koronadal City Delegation nga napaakan sa gamay nga cobra niadtong adlaw’ng Martes, Abril 7, 2026, sulod sa iyang Billeting Quarter sa lungsod sa President Quirino Sultan Kudarat.
Matod pa sa maong panghitabo usa ka atleta sa Taekwondo event ang napaakan sa batiis ug daling gidala sa Dr. Arthur Y. Pingoy Medical Center sa Koronadal City aron daling matambalan.
Gikatingad-an karon sa pamunuan sa President Quirino National High School kung sa unsang paagi naabot ang bitin sa Billeting Quarter sa mga atleta nga limpyo ug hapsay kaayo ang lugar sa wala pa moabot ang mga magdudula.
Sa pagkakaron anaa na sa luwas nga kondisyon ang maong atleta apan padayon pa kining giobserbahan sulod sa balay tambalanan.
