Nipadayon sa pagpasaka ug reklamo sa Department of Education si Yasmien Kurdi uban sa iyang bana nga si Rey Soldevilla batok sa kanhi eskuwelahan sa ilang kinamaguwangan nga anak nga si Ayesha Zara.
Nibisita ang magtiayon sa ahensya niaging adlaw alang sa usa ka tigom kabahin sa ilang gisang-at nga reklamo. Dili matago ang emosyon ni Yasmien samtang gihisgutan ang giingong nasinati nga bullying sa iyang anak niadtong Disyembre 2024.
Sumala pa niya, wala hatagi og igong proteksyon ang anak sa eskwelahan og giingong nakasinati si Ayesha og pagpang-bully gikan sa iyang mga kauban sa klase.
Ang DepEd nagpasabot nga seryoso ang pagtuki sa kaso ug padayon ang proseso aron masiguro nga makadawat og hustisya ang biktima ug mapugngan ang pagkatap sa bullying sa mga eskwelahan.
Kini nga lakang nagpakita sa kahinungdanon sa pag-aplikar sa mga polisiya sa DepEd alang sa kaluwasan ug proteksyon sa mga estudyante.
Photo Courtesy: Philstar.com
