Gipahayag sa Bureau of Fire Protection (BFP) nga wala maapektohi ang ilang serbisyo bisan pa man sa nasinati nga kakulangan sa mga fire truck sa tibuok nasod.
Sumala ni Fire Supt. Anthony Arroyo, ang tigpamaba sa BFP, nagpabiling hapsay ug sakto ang pagtubag sa ilang mga buluhaton.
Gipasabot ni Arroyo nga ilang gipaningkamutan nga mapahimuslan pag-ayo ang kasamtangang mga kagamitan ug gipaniguro niya nga dili mahimong babag ang kakulangan sa fire trucks sa ilang pagserbisyo sa katawhan.
Kahinumdoman nga giangkon ni Interior Secretary Jonvic Remulla nga adunay problema sa pag-deliver sa mga bag-ong fire truck. Kini tungod sa nagpadayon nga imbestigasyon kalabot sa mga alegasyon sa korapsyon sulod mismo sa maong ahensya.
Photo Courtesy: Triple i consulting Inc.
