Nagpakasal ang usa ka 37-anyos nga lalaki sa Indonesia sa silhig human sa daghang kapakyasan sa gugma sa kapin napulo ka babaye.
Gibutyag sa lalaki nga napakyas siya tungod sa sobra ka taas sa iyang standard nga angay unta kahibalo ang iyang mamahimong kapikas sa paglimpyo sa balay og uban pa.
Gipili niya ang silhig isip iyang best partner tungod kay kini epektibo nga makalimpyo og makahapsay sa panimalay.
Sa seremonya, gisul-oban ang silhig og puti nga sinina ug gibutangan og belo aron ipakita nga kini ang iyang bride.
Kini nga istorya mga kajuander, nag-awhag kanato nga dili dapat mohunong sa pagpangita sa gugma tungod sa kapakyasan, ug dili pud angay magpadala sa kasakit aron mohimo og desisyon nga dili na realistiko. Importante ang pag-ayo sa kaugalingon, pagkat-on sa nangagi, ug pagpadayon sa kinabuhi. Ang tinuod nga gugma moabot sa hustong panahon kung andam na ang imong kasingkasing.
Photo Courtesy: Mharville Torres
