Gipalig-on sa Department of Trade and Industry o DTI ang ilang programa sa pagmonitor sa presyo sa mga palaliton aron masiguro nga nasunod ang Suggested Retail Price o SRP sa mga batakang produkto. Sumala sa ahensya, padayon ang ilang price monitoring sa mga merkado, grocery stores, ug uban pang establisyemento aron maprotektahan ang konsumidor batok sa overpricing.
Gipahigayon usab sa DTI ang regular nga inspeksyon ug pakigtambayayong sa mga negosyante aron masabtan ang hustong pagpresyo sa produkto. Ilang gipasidan-an ang mga negosyante nga mahimong atubangon ang silot kon mapamatud-an nga nilapas sa SRP, lakip na ang multa ug posibleng pagsira sa negosyo.
Samtang nagpadayon ang kampanya, giawhag sa DTI ang publiko nga mahimong alerto og responsableng konsumidor pinaagi sa pagreport sa bisan unsang paglapas sa presyo. Gisiguro sa ahensya nga magpadayon sila sa ilang paningkamot aron mapabiling patas ug hapsay ang presyo sa mga palaliton sa merkado.
Photo Courtesy:DTI ipil zamboanga sibugay FB page
