Patay ang usa ka 75-anyos nga babaye human giingong gidunggab mismo sulod sa iyang panimalay sa Purok Cadena de Amor, Barangay Coronon, niadtong Abril 4, 2026.
Gikatahong ang biktima nga si alyas “Lina” nakit-an nga wala nay kinabuhi ug adunay daghang samad sa liog, wala nga bukton, ug kilid sa lawas.
Sumala sa inisyal nga imbestigasyon sa Sta. Cruz Municipal Police Station, ang suspek giila nga si alyas “Atan,” walay trabaho ug residente usab sa maong lugar, miadto sa balay sa biktima samtang hubog ug nihangayo nga magpamasahe.
Apan, sa pagbalik sa apo sa biktima, nakit-an na lamang niya ang biktima nga naligo sa iyang kaugalingong dugo ug wala nay kinabuhi, samtang ang suspek midali sa pag-ikyas sa wala matinong direksyon.
Padayon karon ang hot pursuit operation sa kapulisan aron madakpan ang suspek samtang gisubay pa ang motibo sa krimen.
Gahangyo usab ang kapulisan sa publiko nga motabang pinaagi sa paghatag og impormasyon aron matultulan ang suspek ug mahatagan og hustisya ang biktima.
