Naexperience ni Soo-bin kinsa usa ka korean singer ug leader sa bandang TOMORROW X TOGETHER (TXT) ang dili maayong kasinatian sa ilang pagbisita sa Sugbo human usa ka taxi driver misingil og sobra nga pamasahe.
Sumala sa vlog nga gipagawas sa TXT YouTube channel nga adunay 13.3 million subscribers, nagsugod ang problema sa ilang biyahe sa Sugbo sa dihang sayop ang terminal nga ilang gi-book sa Korea ug nasayop ang flight booking nga 12 ka oras mas sayo kaysa sa ilang plano. Pag-abot sa Sugbo nag-book sila og taxi nga mohatud nila sa hotel, apan ang driver misingil og Php1,000 imbes ang ilang sabot Php500 lang, gipun-an nila ug 200 sa original price nga sa app nagpakita og Php300 lang nga pamasahe.
Bisan sa kakapoy ug kapungot, nagpabilin silang positibo ug nagpadayon sa ilang upat ka adlaw nga stay sa Cebu, diin nag-enjoy sila sa zip-lining, canyoneering, ug scuba diving.
Ang insidente naka-aghat og daghang reaksyon gikan sa mga Cebuano fans nga naulaw sa pagtrato sa driver. Kini usab nagpahinumdom sa publiko ug sa mga drayber nga dili abusaran ang mga torista aron mapadayon ang maayong reputasyon sa Sugbo isip paboritong destinasyon.
Photo Courtesy: King Choice
