Gisilotan ang usa ka 62-anyos nga lalaki sa Sweden, human giakusahan nga gibaligya ang iyang asawa aron makakuha og kwarta sa kapin 120 ka lalaki.
Ang lalaki, kanhi miyembro sa Hells Angels, usa ka international outlaw motorcycle club, nadakpan niadtong Oktubre human ang asawa niya misumbong sa pulis.
Sumala sa mga kaso, gipugos sa lalaki ang asawa sa pag-apil sa sekswal nga kalihokan online ug personal pinaagi sa pagpamaligya sa serbisyong sekswal, gamit ang pwersa, pagpanghulga, ug pag paggamit sa ilegal nga droga. Samtang gipasakahan usab kini og walo ka ihap sa kasong rape, laing upat ka attempted rape, ug upat ka assault.
Matud sa prosecutor nga kini usa ka “ruthless exploitation,” samtang ang asawa gihulagway nga vulnerable ug adunay mga limitasyon kong unsay iyang gustong buhaton. Gisiguro sa abogado sa biktima nga naglaum siya nga makab-ot ang hustisya.
Sugdan ang pagdungog sa kaso sa Abril 13, samtang ang ubang mga kliyente nga nalambigit gipailawom sa imbestigasyon.
Photo Courtesy: INQUIRER. NET
