Nagpakita pag-usab ang mga Filipino ultrarunners sa ilang kaisog ug determinasyon sa internasyonal nga kompetisyon human sila nakadaug og medalya sa GOMU World Championships, nga gihimo sa Cinisello Balsamo Running Festival gikan Marso 28 hangtod 30.
Gipangunahan ni Paris-based ultrarunner Luisa Nuñez ang mga Pilipino sa women’s 24-hour category, nakakuha og gold medal human makalibot sa 161 km. sa 115 ka loops. Milan-based Rachelle Cabasa nakakuha og bronze medal sa parehas nga kategorya nga may 124.6 km. ug 89 ka loops, samtang si Anna Rybitw sa Poland nakuha ang ikaduhang pwesto.
Sa men’s 24-hour division, giharian sa mga Polish runners ang unang duha ka pwesto, samtang si Giorgio Basso sa Italy nakakuha og ikatulo. Sa main men’s 48-hour category, gipangulohan ni Bartosz Fudali sa Poland ang podium nga nakalibot og 446.6 km., gisundan ni Nemes Laszlo ug Delas Heras Monforte.
Sa women’s 48-hour category, gihari gihapon sa Poland ang podium, gipangunahan ni Patrycja Bereznowska nga nakalibot og 413 km., gisundan ni Edyta Lewandowska ug Magdalena Superson.
Ang mga Pilipinong ultrarunners nagpabilin nga inspirasyon sa ilang determinasyon ug sportsmanship sa global nga kompetisyon, nagpakita nga bisan sa kalisod sa distansya, kaya nila makab-ot ang kadaugan.
Photo Courtesy: PNA
