Gipamulta og Php20,000 ang magdudula sa Converge FiberXers nga si Calvin Abueva human nihatag og negatibong komento sa usa ka opisyal sa PBA. Nahitabo ang insidente atol sa kapildihan sa Converge sa Barangay Ginebra niadtong Domingo.
Misinggit si Abueva og Paldo referee isip pagpadayag sa iyang kadismaya sa ilang 99-93 nga kapildihan, hinungdan nga gipatawag kini sa mga opisyal sa PBA.
Makita sa video ang pasinggit ni Abueva. Wala usab kini gihatagan og suspension apan gipamulta lamang kini sa dili maayong pamulong nga iyang gisulti batok sa referee. Nangayo usab og pasaylo si Abueva sa dihang gipatawag kini sa buhatan ni PBA Commissioner Willie Marcial.
Photo Courtesy: Spin.ph
