Nanguna ang Pilipinas sa listahan sa mga nasud nga nakasinati sa pinakadako nga pagtaas sa presyo sa lana sukad misugod ang tensyon sa Iran niadtong Pebrero 23, 2026.
Base sa datos sa Global Petrol Prices, niabot sa 81.6% ang pagsaka sa presyo sa diesel sa nasud karong Marso — mao kini ang labing taas sa tibuok kalibutan ikaduha niini ang Nigeria nga adunay 78.3% ug Malaysia nga 57.9%.
Samtang mas gamay ang natala sa pagtaas sa Japan (14.0%) ug South Korea (15.1%), samtang nagpabilin walay kausaban ang presyo sa India ug Saudi Arabia.
Nagpakita ang datos nga mas grabe ang epekto sa krisis sa merkado sa lana sa mga nasud sa Asya, ilabi na sa Pilipinas nga nagdepende sa imported nga suplay.
Dugang pa ang padayon nga paghinay sa piso nga mi-ubos sa ₱60.23 kada dolyar nakapabug-at sumala pa kini sa presyo sa petrolyo nga karon mas gibati sa mga konsumidor ug negosyante sa ilang adlaw-adlaw nga mga operasyon.
Kini nga sitwasyon nagpamatuod sa dakong hagit nga giatubang sa ekonomiya ug panginabuhian sa mga Pilipino taliwala sa global nga kagubot.
