Dako nga garbo alang sa dakbayan sa Malaybalay ang pagkahimo niining labing unang lokal nga kagamhanan sa Pilipinas nga nagmugna og usa ka online platform nga dedikado sa pagsuporta sa mga produkto sa mga Indigenous Peoples (IP) communities.
Pinaagi sa inisyatiba sa Local Economic Development and Investment Promotion Office (LEDIPO), gilunsad ang Seven Tribes Museum Shop, usa ka online platform nga nagtumong sa pagpasiugda sa mga lokal nga produkto ug kultura sa mga lumad sa Bukidnon.
Sa Exklusibong pakighinabi sa Juander Radyo Malaybalay kang Romeo R. Lapeciros Jr. Ang Department Head sa Local Economic Development and Investment Promotion Office, ug sa City Economic Enterprise Development and Management Office, Gawas sa pagpamaligya, tinguha usab sa plataporma nga mahimong “culturally-driven” pinaagi sa paghatag og impormasyon mahitungod sa kaanindot sa kultura ug tradisyon sa mga tribo.
Dugang pa niya ang maong proyekto giduso isip usa ka grant proposal sa Department of Trade and Industry (DTI) ug nakadawat og igong pundo aron kini mapatuman, ug kining maong lakang dili lang makatabang sa panginabuhi sa mga lumad, kundi dako usab kinig amot sa pagpreserba sa garbo ug kultura sa mga tribo sa Malaybalay
